Казакстандын УКМКсынын мурдагы жетекчиси Карим Масимов эки айга камалды
- 11.01.2022, 13:18,
- Саясат / Жаңылыктар
- 0
Facebook
Вконтакте
Одноклассники
Google+
Казакстандын Улуттук коопсуздук комитетинин мурдагы жетекчиси Карим Масимов эки айга камакка алынды. Бул тууралуу өздүк булактарга таянуу менен Orda.kz билдирди.
Гезиттин маалыматына караганда, тиешелүү чечимди Нур-Султан шаарынын тергөө соту чыгарган. Карим Масимов мамлекеттик чыккынчылыкка шектелүүдө. Ал убактылуу кармоочу жайга киргизилген.
Казакстанда массалык нааразылык акциялары 2022-жылдын 2-январында башталган. Мангистау облусунун Жаңы-Өзөн жана Актау тургундары суюлтулган газдын кымбатташына каршы чыгышып, андан соң нааразылык акциялары башка аймактарга да жайылган. Өлкөнүн шаарларында абал акырындап турукташып, антитеррордук операция уланууда. Интернетке иштеп баштады.
