Эмнеге Нариман Түлеев “кусканын” кайра “жутту”?..

Чынын айтканда акыркы 3 жыл аралыгында үлкөн кызматты аркалаган мурдагы бир топ аткаминерлер, саясатчылар, ишкерлер ар түрдүү жагдайда алды эки-үч, арты бир сыйра “кусуп” чыгышты. Бирок ушул коррупцияга каршы күрөштүн эпкини Нариман Түлеевге тийген жок. Тескерисинче, Алмазбек Атамбаевдин тушунда коррупцияга айыпталып камалып, мамлекетке конфискацияланып алынган бир катар мүлктөрүн өзүнө кайтарып алды. Ушундан улам, “Бакиевди аталаган” Нариман коррупциядан өзүн оолак кармаган, мыйзамды кынтыксыз сыйлаган сүттөн ак периште болуп калган беле деген суроо туулат? Болбосо, былыктуу иштерин жең ичинен бүтүрүп алганбы? Дегенибиз, эмнеге башкалар “кусуп” жатканда, Нариман Түлеев “кусканын” кайра “жутту” деген суроо туулат...