Алматыда митингчилер ооруканаларды курчоого алышты

Алматыда митингчилер эки шаардык оорукананы курчоого алышты. Бул тууралуу Vlast интернет журналы шаардык комендатурага шилтеме берүү менен билдирди.
 
Vlast булактары буга чейин 7-оорукананын аймагында полиция менен кагылышуу болуп жатканын кабарлаган.
 
Казакстанда массалык нааразылык акциялары 2022-жылдын алгачкы күндөрүндө башталган. Мангистау облусунун Жаңы-Өзөн жана Актау тургундары суюлтулган газдын кымбатташына каршы чыгышып, андан соң нааразылык акциялары башка шаарларга да жайылган. 4-5-январда Алматыда коопсуздук кызматкерлери менен кагылышуу болду. Бүткүл өлкө боюнча алар интернетти өчүрүп, бир катар телеканалдарды көрсөтүүнү убактылуу токтотушту.