Алматыга 5-январдан 9-январга чейин өзгөчө кырдаал киргизилди

 
Өлкө башчысы Алматы жана Мангистау облусуна өзгөчө кырдаал киргизди. Аталган аймактарда 5-январдан 19-январга чейин иштейт. Шаарда массалык иш-чараларды жана иш таштоолорду өткөрүүгө, курал-жарактарды, ок-дарыларды жана спирт ичимдиктерин сатууга тыюу салынган. Кошумчалай кетсек, саат 23.00дөн 07.00гө чейин коменданттык саат болот.
 
Шейшемби күнү кечинде Казакстандын бир катар шаарларында коопсуздук кызматкерлери менен демонстранттардын ортосунда кагылышуу болду.
 
Казакстанда кырдаал 2-январда Жаңы-Өзөн жана Актау шаарларынын тургундары көчөгө чыгып, күйүүчү майдын баасын арзандатууну талап кылгандан кийин курчуган. Казакстанда 1-январдан тарта газдын баасы эки эсе кымбаттады – литри 60 теңгеден 120 теңгеге чейин. Кийинчерээк өлкөнүн башка шаарларында да толкундоолор башталган. Президент менен өкмөттү отставкага кетирүү талаптары айтылды.