Акылбек Жапаров айыл өкмөт башчыларын ага акыл үйрөтпөөгө чакырды

Министрлер кабинетинин төрагасы Акылбек Жапаров айыл өкмөт башчыларын акыл үйрөтпөстөн, конкреттүү бизнес долбоорлор менен иштешөөгө чакырды.
 
"Залда отурган жетекчилер конкреттүү сунуштарды жана долбоорлорду даярдаӊыздар. Биз кеңеш берүү анан ой айтуу боюнча чебер болуп калдык. Эл го макул, жетекчилер эмне аларга кошулуп баратасыңар билбейм да. Мага же өкмөттүн мүчөлөрүнө кирип, оюңарды айтып, кеңеш бербегиле. Бизнес долбоор менен келгиле, жумушчу орунду кантип түзүү боюнча ойлоруңарды бөлүшсөңөр болот. Айыл өкмөттөн келип алып мага макроэкономиканы кантип оңдосо болот деп үйрөткөндү токтоткула, урматтуу айыл өкмөт башчылары", — деп кайрылды Жапаров.