COVID-19 вирусун жуктурган дагы 13 бейтап айыкты. Жалпы 67 адам сакайды.

Бактыга жараша жаман илдеттен айыккандар да бар. Бүгүн 13-апрелде коронавирус жуктурган 13 жаран айыкканын брифинг учурунда  КР Саламаттыкты сактоо министринин орун басары Нурболот Үсөнбаев билдирди. Анын айтымында Ошто жана Ноокатта жаман вирус жуктуруп алган бейтаптар айыгышты. Алардын акыркы анализи таза чыкты. Ошону менен жалпы 67 жаран жугуштуу илдетти жеңип чыгышты.

"Ооруканадан акыркы анализи таза чыккан бейтаптар чыгарылууда. Жалпы 67 бейтаптын анализи таза чыгып, үйлөрүнө чыгарылды" дейт министрдин орун басары.