Баткенден 51 медицина кызматкери Ысык-Көлгө эс алууга жөнөтүлдү

Коронавирус пандемиясында оорунун очогунда эмгектенген дарыгерлер эс алуу үчүн Ысык-Көлгө жөнөтүлүп жатат. Бүгүн, 10-сентябрда Баткен облусунан 51 медкызматкер эс алуу үчүн Ысык-Көл облусуна жөнөтүлдү.
 
Аларды облус башчысы Алишер Абдрахманов узатып, өмүр сакчыларына ак жол каалады.
 
Белгилей кетсек, медицина кызматкерлери Ысык-Көл облусундагы “Рахат” эс алуу пансионатында 7 күн акысыз эс алышат. Дарыгерлердин эс алуусун саламаттыкты сактоо кызматкерлеринин профсоюздук уюму уюштурган. Алардын барып келүү жол акысы жергиликтүү бийлик тарабынан каржыланган.