Алишер Абдрахманов Баткен облусунун жетекчиси болуп дайындалды

Тиешелүү буйрукка 18-февралда өкмөт башчы Мухаммедкалый Абылгазиев кол койду. 
Жаңы дайындалган өкүл 58 жашта. Баткен облусунун Баткен районунда туулган. Юрист. Негизинен ички иштер тармагында иштеген. 2001-2002-жылдары Баткен облустук ички иштер башкармалыгын жетектеп турган.
2012-2013-жылдары Жол кыймыл коопсуздугун камсыздоо кызматынын Баткен облустук башкармалыгын жетектеген.
2015-жылы «Республика» партиясынан Жогорку Кеңешке депутат болуп шайланган.
Баткен облусунун жетекчисинин орун басары да болуп эмгектенген.