Кыз узатып, 4 күн тойлогон жарандын конокторунан вирус чыкты

Саламаттык сактоо министри Сабиржан Абдикаримов брифинг учурунда 50дөн көп адам чогулуп той-аштарды өткөрүп жаткандарга кабатыр болуп жатканын билдирди.

"Бул COVID-19дун жайылып кетүү коркунучун жаратат. Мисалы, Москва районунда бир үй-бүлө кызын узатып төрт күнү катары менен той бериптир. Эми ошол тойдо болгондордон вирус чыгып жатат. Тилекке каршы, мамлекеттик кызматкерлерден дагы аныкталууда. Жумуштан жугузуп барып үй-бүлөсүнө тараткандар бар. Жөнөкөй эле санитардык нормалар сакталбай жатат. Бир үй-бүлөдөн 5-6 адам ооруканага жатып калган учурлар кездешүүдө", — деди Абдикаримов.