Ысык-Көлдө 36 жаштагы жаран көлгө чөгүп каза болду

 Ысык-Көлдө 36 жаштагы жаран "Алтын кум" пансионатында көлгө чөгүп кеткен. Бул тууралуу Өзгөчө кырдаалдар министрлиги билдирди.
 
Маалыматка ылайык, ӨКМга Бостери айылында 1985 -жылы туулган С.Д. чөгүп кеткени тууралуу маалымат келип түшкөн. 
 
Сөөктү издөө үчүн үч куткаруучу тартылган. Бирок кечээ издөө иштери өз жыйынтыгын берген эмес. Куткаруучулар сөөктү издөөнү бүгүн да улантышкан.