Министрлик чек арада жараат алган аскерлердин абалы тууралуу айтты

 Жалпысынан 11 жабырлануучу ар кандай жаракаттар менен Баткен облустук бириккен ооруканасына жаткырылган. Бул тууралуу Саламаттыкты сактоо министрлигинин басма сөз борборунан билдиришти.
 
Анын айтымында, жабыркагандардын абалы орточо оор деп бааланууда. 
 
«Баары дарыланып жатат», — деп билдирди министрлик.
 
Бир күн мурун, саат 18:15те Тажикстандын чек арачылары Баткен-Исфана жолунун Баткен районунун Төрт-Көчө тилкесиндеги бөлүгүн тосуп алышкан. Кыргызстандын Баткен облусундагы чек ара тилкесинде жайгашкан чек ара бөлүктөрү күчөтүлгөн режимге өттү. Эки тараптан тең атышуу болду. Тажик аскерлери миномётторду жана гранатометторду колдонушкан.