Турсунбай Бакир уулу шайлоого барбай калабы? Тизмеден чийилгенин кабарлады
- 26.08.2020, 15:13,
- Саясат
- 0
Facebook
Вконтакте
Одноклассники
Google+
Турсунбай Бакир уулу парламенттик шайлоого "Бүтүн Кыргызстан" партиясы менен биргеликте аттанып жатканын маалымдаган. Бирок "Бүтүн Кыргызстан" партиясынын БШКга берген тизмесине анын аты-жөнү кошулбаганын Турсунбай Бакир уулу өзү билдирди.
"Мен "Бүтүн Кыргызстан" партиясынан кеткен эмесмин. Тизмеден алынганымды кечээ эле билдим. Себеби БШКга берилген тизмеде менин аты-жөнүм жок экен. Партиянын 19-августта өткөн курултайында программа бекитилип, тизмеге кирген талапкерлер такталган. Анын чечиминин көчүрмөсү менде бар. Менин чыгып калышыма партия лидери менен ойлорубуздун дал келбей калышы себеп болушу мүмкүн", - дейт Бакир уулу.
