Тогуз партия парламенттик шайлоого барбай турган болду

4-октярда өтө турган парламенттик шайлоого ат салышкан 44 партиянын ичинен тогуз партия шайлоого катышпай турганын билдирди. Бул тууралуу Борбордук шайлоо комиссиясынан маалымдашты. 
 
Мекеменин 19-августтагы маалыматына ылайык, төмөндөгү тогуз партия шайлоого катышуудан баш тарткан:
 
- «Кыргызстан коммунисттеринин партиясы», «Демократ», «Агрардык партия, “Эмгек”, “Бийлик элге”, “Жаратман Эл”, «Кыргызстандын Элдик-демократиялык партиясы", “Бирик” жана «Таза коом». 

Феликс Кулов жетеген "Ар-Намыс" партиясы да шайлоого барбай турганын билдирди. Жалпысынан 10 партия парламенттик шайлоого катышпай турган болду. 
 
Аталган партиялардын айрымдары башка партиялар менен бирип шайлоого аттанып жатышса, кээ бирлери шайлоо фону үчүн эсеп ачкан эмес.