Нарын шаарында жана башка аймактарда өзгөчө абал режими токтотулду

Президенттик аппараттын басма сөз кызматы Нарын шаарында, Ош облусунун Ноокат, Кара-Суу райондорунда, Жалал-Абад облусунун Сузак районунда өзгөчө абал режими токтотулаарын маалымдашты.

Өзгөчө абал режими Бишкек, Ош, Жалал-Абад шаарларында, Ат-Башы районунда 10-майга чейин узартылганы айтылды.  Мындай чечим Коопсуздук кеңештин жыйынында биринчи вице-премьер-министр Кубатбек Боронов жана саламаттыкты сактоо министри Сабиржан Абдикаримовдун азыркы кырдаал тууралуу баяндамаларынан кийин кабыл алынды.