Кыргызстанда акыркы бир суткада 1 миң 319 жаңы жугуштуу пневмония жана COVID-19 учурлары аныкталды, 10 киши каза болду. Бул тууралуу Саламаттыкты сактоо жана социалдык өнүгүү министринин орун басары Жалалидин Рахматуллаев брифингде билдирди.
Бишкек шаарында- 715, Ош шаарында -25, Чүйдө -225, Ошто -87, Таласта -15, Нарында -5, Ысык-Көлдө --44, Жалал-Абадда- 109, Баткенде -94 учур катталган.
2020-жылдын март айынан бери республикада жергиликтүү жугуштуу пневмония жана COVID-19 ооруларынын 135 миң 58 учуру катталды.
Кыргызстанда күнүнө дагы 10 адам коронавирустан көз жумган.
Жети өлүм Бишкекте, үчөө Чүй облусунда катталган.
2020-жылдын март айынан бери республикада 2383 адам коронавирустан каза болду.
