27-июнда 309 адамдан вирус табылды, 50 бейтап айыкты

Акыркы бир сутка ичинде Кыргызстанда 309 адамдан вирус табылып, 50 бейтап айыгып чыкты. Бул тууралуу саламаттыкты сактоо министринин орун басары Мадемин Каратаев 27-июндагы брифинг учурунда билдирди. 
 
Алар: Бишкек шаарында-118, Чүй облусунда-23, Ош шаарында-94, Ош облусунда-39, Жалал-Абад облусунда-19, Талас облусунда-3, Нарын облусунда-5, Ысык-Көл облусунда-5, Баткен облусунда-3 учур. 
 
Жалпысынан өлкө боюнча вирус жуктуруп алган адамдардын саны 4513гө жетти, анын ичинен 2212 бейтап айыгып чыкты, 46 адам каза болду.