Коомчулуктун сынына кабылган бет капсыз сүрөт үчүн кимдер айыппул төлөй турганы айтылды

 
Өкмөттүн топтолушуп бет капсыз сүрөткө түшкөнү коомчулук тарабынан туура сындалганын жана бул өкмөттүн ишине көлөкө түшүргөнүн айтып премьер-министр Кубатбек Боронов кыргызстандыктардан кечирим сурады. 
 
" Мыйзамга ылайык, өзүм баш болуп, вице-премьерлер, аппарат жетекчиси жана мурдагы премьер-министр айып пул төлөшөт. Аппарат кызматкерлерине айып пул салынбайт. Анткени аларды иш учурунда бөлүм башчылары экс-премьерди узатууга чакырышкан. Өкмөттүн аппаратынын кызматкерлери жумушта бет кап тагынып жүрүшөт деп ишендирип кетем. Дагы бир жолу кечирим сурайм", — деген өкмөт башчы.
 
Айып пулду: Премьер-министр Кубатбек Боронов, мурдагы премьер-министр Мухаммедкалый Абылгазиев, вице-премьер-министр Аида Исмаилова, вице-премьер-министр Акрам Мадумаров, вице-премьер-министр Эркин Асрандиев, өкмөттүн аппаратынын мурдагы башчысы Самат Кылжыев, бөлүм башчылар төлөй турган болушту.