Бүгүн, 17-июнда Жогорку Кеңештин депуттары парламенттеги көпчүлүк коалиция сунуштаган өкмөттүн жаңы курамын жана анын программасын бекитти.
Жалпысынан 116 депутат катталып, үч депутат: Рыскелди Момбеков, Ирина Карамушкина, Наталья Никитенко өкмөттүн жаӊы курамына каршы добуш беришти, калгандары бир добуштан колдошту.
Жаңы түзүлгөн өкмөттүн курамы: премьер-министрликке Кубатбек Боронов, биринчи вице-премьер-министрликке Алмазбек Батырбеков бекиди. Вице-премьер-министрлер Эркин Асрандиев, Акрам Мадумаров, Аида Исмаилова ордунда калды.
Жыйында Кубатбек Боронов ишеним көрсөткөнү үчүн депутаттарга ыраазычылык билдирип, мурдагы өкмөтүнүн «Биримдик. Ишеним. Жаратмандык» программасын улантарын айтты.
