Саламаттык сактоо министрлигинин беш кызматкери вирус жуктуруп алды

Саламаттык сактоо министрлигинин беш кызматкеринен коронавирус илдети табылды. Бул тууралуу республикалык штабдан билдиришти.  
 
Маалыматка ыллайык, министрликтин имаратында тийиштүү иш-чаралар жүргүзүлүп, отуздан ашык кызматкер обсервация шартында иштеп жатат. Ал эми вирус жугузуп алган кызматкерлер ооруканада дарыланууда, абалдары туруктуу. 
 
Республика боюнча жалпысынан 395 медициналык кызматкер вирус жуктуруп алган, анын ичинен 275и айыгып чыкты. Эки дарыгер каза болду.