Жети-Өгүздүн эли айылдагы оорукананы обсервация кылууга каршы чыгышты

(фото интернеттен алынды)

Жети-Өгүз районунун Жети-Өгүз айылынын тургундары айылдагы оорукананы обсервация кылууга каршы болуп жатышат. Бул тууралуу жергиликтүү жашоочулар билдирди.
•
Тургундардын айтымында, буга чейин ооруканада обочолонгон жай ачыларын эч ким түшүндүргөн эмес. Анткени Жети-Өгүз айылында оорукана, төрөт үйү иштеп жатат. Обсервацияны ал жакка жасаган кооптуу.  Ошондуктан бүгүн, 18-майда айыл эли чогулуп, обсервация райондун борбору болгон Кызыл-Суу айылындагы райондук ооруканада ачылбай, Жети-Өгүз айылында ачылып жатканына нааразы болуп жатышат.