22-майда 37 адамдан вирус табылды, 20 адам айыкты

22-майга карата акыркы бир сутка ичинде Кыргызстанда 37 адамдын вирус жуктуруп алганы аныкталды. Бул тууралуу саламаттыкты сактоо министринин орун басары Нурболот Үсөнбаев билдирди.

Алар: Бишкек шаарында-6, Ош облусунда-6, Нарын облусунда-21, Соль-Илецктен келгендерден-1, Санкт -Петербургдан келгендерден-3 учур.
 
Бир сутка ичинде 20 бейтап айыгып чыкты. Алардын кайра текшерүүгө алган анализдери таза чыккан. 
 
Жалпысынан өлкө боюнча вирус жуктургандардын саны 1350 адамга жетти. Анын 949у айыгып чыкты, 14 бейтап каза болду.