18-майда вирус 78 адамдан табылды, 23 бейтап айыкты

18-майга карата Кыргызстанда соңку бир сутка ичинде коронавирус 78 адаман табылды. Бул тууралуу 18-майда Саламаттык сактоо министринин орун басары Нурболот Үсөнбаев билдирди.
 
Алар: Нарын облусунан – 14, Ош облусунан -6, Ош шаарында -5, Бишкек шаарында -3, Чүй облусунда-3, Жалал-Абад облусунда-1, Орусиянын Соль-Илецк шаарынан кайтып келген эмгек мигранттарынан-43 учур. Орусиядан келгендердин үчөө Санкт-Петербургдан окуудан келген курсанттар.
 
Акыркы бир сутка ичинде 23 бейтап айыгып чыкты.
 
Ушул менен жалпысынан  Кыргызстанда коронавирус 1216 адамдан табылып, алардын ичинен 14 адам каза болду, 827 бейтап айыгып чыкты.