Бишкек, Ош жана Жалал-Абадда коменданттык саат алынат

Эртеӊ, 11-майда Бишкек, Ош жана Жалал-Абадда коменданттык саат алынат. Бул тууралуу республикалык штабдан кабарлашты. 
 
Маалыматка ылайык, өлкөдө өзгөчө абал алынганы менен өзгөчө кырдаал  режими сакталат.
 
Санитардык-карантиндик тосмолор эпидемиологиялык кырдаал турукташканга чейин алынбайт. Бир облустан экинчи облуска кирип- чыгууларга коюлган чектөөлөр күчүндө калат. Эпидемиологиялык абалдын курчуп жатканына байланыштуу Бишкек, Ош, Нарын облусунун Ат-Башы районунда жана Жалал-Абад облусунун Чаткал районундагы Каныш-Кыя айыл аймагына карантин киргизилет. 
 
Ошондой эле транспорт кыймылына коюлган чектөөлөр Нарын облусунун Ат- Башы районунда да алынат. Ат-Башыга чектөөлөр 15 -апрелде киргизилген эле.