Ош шаарында тосмолор кайра коюлуп, көзөмөл күчөтүлдү

Бул тууралуу Ош шаардык комендатуранын маалымат кызматынын башчысы Жеңишбек Аширбаев билдирди.
 
«Жашоочулар санитардык эрежелерди так сактабай жатканына байланыштуу кошумча тосмолор шаардагы ар бир кварталдын кире бериш жерине орнотулду жана көзөмөл күчөтүлдү. Шаарда буга чейин сегиз карантиндик жана санитардык тосмолор бар болчу”, — деди Аширбаев.
 
 Ош шаарында 1-майдан тартып, 53 ишкана жана үч эт сатуучу жай иштей баштаган.  Алар санитардык талаптарды сактабагандыгы үчүн 4-май күнү кайрадан убактылуу жабылган.