Президенттик шайлоого 549 млн. 161 миӊ сом сарпталат

Борбордук шайлоо комиссиясы мөөнөтүнөн мурда өткөрүлө турган президенттик шайлоонун чыгымдар сметасын бекитти.
 
Бектилген сметага ылайык, президенттик шайлоого 549 миллион 161 миң 100 сом жумшала турган болду. Облустарга 369 миллион 137 миң 300 сом бөлүнөт. Бул каражат шайлоо учурунда иштеген кызматкерлердин эмгек акысына, иш сапарларына кеткен чыгымдарына, кеңсе товарларын сатып алууга жана шайлоо тилкелеринин кызматкерлерине тренинг өткөрүүго сарпталат. Ал эми бюллетендерди басып чыгарууга 7-10 миллион сом каралган.
 
Эске салсак, БШК мөөнөтүнөн мурда өтчү президенттик шайлоону 10-январга дайындады.