Коомдук транспорттордун дем алыш күндөрү иштөөсүнө уруксат берилди

20-августтан тарта Бишкек шаарында коомдук транспорттордун дем алыш күндөрү да жүрүүсүнө уруксат берилди. Бул тууралуу шаардык мэриядан кабарлады. 
 
Мекеменин билдирген маалыматына ылайык, автобус, троллейбус жана микроавтобустар де малыш күндөрү да түзүлгөн график боюнча иштешет. Тактап айтсак, коомдук транспорттор дем алыш күндөрү саат 7:00дөн 11:00гө чейин жана 14:00 – 23:00гө чейин иштеп,11.00дөн 14.00гө чейин дезинфекциялык тыныгуу үчүн токтошот. 
 
Мындан сырткары, кафе, ресторан жана башка тамактануучу жайлардын иштөө графиги 7: 00дөн 0: 00гө чейин узартылды.