Чүй: Тойкана, караоке-клубдардын иштөөсүнө тыюу салынды

Чүй облусунун райондорунан жана шаарларынан Бишкекке жүргүнчү ташыган транспорттор иш күндөрү эртең менен жана кечинде гана каттайт. Ишемби жана жекшемби күнү токтотулат. Бул тууралуу республикалык штабдан кабарлашты.

Мындан тышкары, аталган Чүй облусунун аймагындагы бир катар ишмердүүлүктөрдүн иштөө тартибине өзгөртүүлөр киргизилди. Ага ылайык:
Чүй облусундагы базарлар саат 06:00дөн 15:00гө чейин иштейт. Дүйшөмбү жана бейшемби күндөрү жабык болот;
Соода-сатык пункттары саат 07:00дөн кечки 19:00гө чейин иштейт. Кафе, ресторан жана башка коомдук тамактануу жайлары саат 08:00дөн кечки 21:00гө чейин иш алып барат;

Тойкана, караоке-клуб жана башка көңүл ачуучу жайлардын иштөөсүнө тыюу салынды.