Атайын комиссия медициналык окуу жайлардын клиникалык базасын текшерет

Саламаттыкты сактоо министрлигинин комиссиясы өлкөнүн медициналык жогорку окуу жайларынын клиникалык базасын текшерет. Бул тууралуу аталган башкармалыктын басма сөз борбору билдирди.
 
Анын айтымында, комиссия саламаттыкты сактоо министри Алымкадыр Бейшеналиевдин тапшырмасы менен түзүлгөн.
 
«15-мартка чейин комиссия окуу жайларга барып анализ жүргүзөт. Иштин жыйынтыгы боюнча кошумча маалымат берилет», - деп белгилешти ведомстводон.
 
Белгилей кетсек, буга чейин саламаттыкты сактоо министри 17 жеке менчик медициналык окуу жайды жабууга ниеттенип жатканын билдирген.