Түптөгү жол кырсыгынан жабыркаган төртүнчү бала ооруканада көз жумду

 Түп районундагы жол кырсыгынан жабыркаган төртүнчү адам ооруканада көз жумду. Бул тууралуу Өзгөчө кырдаалдар министрлигинин маалымат кызматы билдирди.  
 
Буга чейин кырсык болгон жерде 19-20 жаштардагы үч адамдын каза болгону, дагы үчөө ооруканага жеткирилгени айтылган.
 
Эске салсак, жол кырсыгы 12-апрель күнү, саат 23:14тө Балыкчы — Ананьево — Каракол унаа жолунун 204-чакырымында Михайловка айылына жакын жерде болгон. Анда Toyota Camry жана Audi C4 кагышкан.