Бишкек-Ош унаа жолундагы кырсыктан эки адам каза болду

 
Жалал-Абад облусунун Токтогул районунда жол кырсыктан эки адам каза болду. Бул тууралуу Өзгөчө кырдаалдар министрлигинин басма сөз кызматы билдирди. 
 
Анын айтымында, 11-мартта саат 15: 40та Бишкек-Ош унаа жолунун 250-чакырымында (Пельменный участкасы) Toyota Windom Toyota Previa менен кагышкан.
 
Кырсыктын кесепетинен 1948 жана 1988-жылы туулган эки эркек адам ошол жерде каза болуп, беш адам ар кандай деңгээлде жаракат алышып, Токтогул райондук ооруканасына жеткирилген. Куткаруучулар каза болгондордун сөөгүн алып чыгышып, милиция кызматкерлерине өткөрүп беришкен.