Ысык-Көлдө жол кырсыгы катталып, үч адам каза болду

 Ысык-Көл облусундагы кырсыктан үч адам каза болду. Бул тууралуу Өзгөчө кырдаалдар министрлигинин басма сөз кызматы билдирди.
 
Маалыматка ылайык, кырсык кечээ саат 23.14 чамасында Балыкчы - Ананьево - Каракол унаа жолунун Михайловка айылына жакын жерде болгон. Toyota Camry менен Audi C4 унаасы кагышкан. Кырсыктын кесепетинен 19 жаштагы эки жана 20 жаштагы жигит ошол жерде көз жумган. Дагы үчөө Түп аймактык ооруканасына жеткирилген.