Чоң-Алайдагы кыргыз-тажик чек арасында ок атылды

  
 Ок атышууну токтотуу келишимин бузуп, саат 12:37де тажик тарап Ош облусунун Чоң-Алай районундагы Тешик-Таш, Карамык жана Кароол-Дөбө айылдарындагы кыргыз чек арачыларынын позицияларын миномет жана артиллериялык куралдан аткылай баштады. Бул тууралуу Улуттук коопсуздук боюнча мамлекеттик комитетине (УКМК) караштуу Чек ара кызматы билдирди.
 
Маалыматка ылайык, УКМКнын Чек ара кызматынын Ош облусуна жайгаштырылган аскерлер алгач жооп иретинде ок чыгарышкан. Бирок кырдаалды курчутпоо үчүн кыргыз аскерлери биринчилерден болуп ок атууну бир тараптуу токтоткон.