Кыргыз-тажик чек арасында ок атылды
- 12.04.2022, 23:20,
- Башкы / Саясат / Жаңылыктар
- 0
Facebook
Вконтакте
Одноклассники
Google+
Лейлек районунун Максат айылына жакын жерде Кыргызстан менен Тажикстандын чек арачыларынын ортосунда ок атышуу катталып, Кыргызстандын бир чек арачысы жараат алганы айтылды. Бул тууралуу Мамлекеттик чек ара кызматы 12-апрелде кабарлады.
Маалыматка ылайык, Лейлек районунун Селкана аймагында Тажикстандын чек арачылары Кыргызстандын аймагына жыйырма метрдей кирип келген. Алар Кыргызстандын чек арачыларынын «Чек ара сызыгынан өтпөгүлө» деген эскертүүлөрүнө баш ийген эмес.
«Кыргыз чек арачылары эскертүү иретинде асманга ок чыгарышкан. Жооп иретинде тажик чек арачылары Кыргызстандын аскерлерине ок чыгарган", - деп айтылат Чек ара кызматы тараткан маалыматта.
