Жогорку Кеңештин бүгүнкү жыйынында депутат Таабалды Тиллаев өкмөтткө кайрылып, вирус менен алышып жатып чек ара маселесин унутта калтырбай, көӊүл буруу зарылдыгын айтты.
Ал өз сөзүндө учурдагы коронвируска байланыштуу кырдаалдан пайдаланышып, тажиктер талаштуу тактала элек чек ара тилкесинен ичкери 100 метр кирип келип аӊ казып жатышканын билдирди.
Бул туурасында депутат: “Ишеничтүү маалымат булактар билдиргендей учурда тажик тарап тактала элек аймакка 100 метр кирип келгенин айтууда. Урматтуу өкмөт мүчөлөрү азыр бул маселени кароо керек, кийин кеч болуп калат. Бул маселени мен өзүм жеке көзөмөлгө алам. Тажиктер азыр биздин жерге кирип алса, кайра артка жылбайт”, - деп белгиледи.
Ырасында, депутаттын айтканына маани берип, азыртадан чара көрүлүшү милдет. Буга дейре тажик аскерлери биздин аймакта ээн-эркин жүргөнү боюнча виедо материал социалдык тармактарда тараган. Кыргызстандын күч түзүмдөрү уктабай абалды көзөмөлгө албаса, кийин кеч болуп калат…
