Акылбек Жапаров: Эдил Байсалов эмоциясын башкарганды үйрөнүшү керек

  
Министрлер кабинетинин төрагасынын орун басары Эдил Байсалов жетекчи болууну жаңыдан үйрөнүп жатат. Ал тууралуу министрлер кабинетинин башчысы Акылбек Жапаров 15-февралда маалымат жыйында билдирди.
 
Жапаров маалымат жыйынында билдиргендей, Байсалов өкмөт башчылардын бири болууга үйрөнүүдө. 
 
«Ал эми иш бар жерде сын дайыма болот. Менин оюмча, анын потенциалы чоң. Ал эми эмоцияны бир аз башкарганды үйрөнсө, бейөкмөт уюмдардагы тажрыйба жардамга келет. Ал туура жолдо баратат деп ишенем. Менимче, ага убакыт берсеңер, андан республикалык деңгээлде абдан жакшы жетекчи чыгат», - деди ал.