Орхан Инандынын колуна операция жасалганы айтылды

"Сапат" билим берүү мекемесинин башчысы Орхан Инандынын колуна абактын ооруканасында операция жасалганы айтылды. Бул маалыматты Орхан Инандынын жактоочусу Халил Ибрагим Йылмаз жергиликтүү маалымат каражаттарына билдирген.
 
Жактоочунун айтканына караганда, анын колу уурдоо учурунда сынган.
 
Түркиянын башкы прокуратурасы ФЕТОнун Орто Азиядагы өкүлү катары айыпталып жаткан Орхан Инандыны 22 жыл, 6 айга эркинен ажыратууну суроодо.
 
Эске салсак, Орхан Инанды 2020-жылдын 1-июнунан бери дайынсыз болуп, 5-июлда Түркияда экени белгилүү болуп камакка алынган.