Жаңы дайындоолор: ЕЭКке министрлер дайындалды

Жогорку евразиялык экономикалык кеңеши (ЕАЭБ мамлекеттеринин лидерлери) Евразия экономикалык комиссиянын коллегиясына Кыргызстандан эки жаңы мүчө дайындады. Бул тууралуу ЕЭКтин маалымат кызматы кабарлады.

Ага ылайык, ЕЭК менен бажы тармагы боюнча кызматташуу министри болуп Олег Панкратовдун ордуна Максат Мамытканов дайындалды. Ал эми ЕЭКтин энергетика жана инфраструктура министри болуп Эмил Кайкиевдин ордуна Темирбек Асанбеков барды.
Эске салсак, Мамытканов менен Асанбеков 2020-жылдагы октябрь окуяларынын катышуучулары. Мамытканов бир нече ай вице-премьер болуп иштесе, Т. Асанбеков октябрдагы парламенттик шайлоодо ат салышкан.