Экс-президент Алмазбек Атамбаев 11 жылга соттолду

 Бүгүн, 23-июнда Бишкектин Биринчи май райондук сотунда кримтөбөл Азиз Батукаевдин мыйзамсыз бошотулушу боюнча соттук отурум болду.

Соттун чечими менен экс-президент Алмазбек Атамбаев КРнын Кылмыш-жаза кодексинин 319-беренеси (“Коррупция”) боюнча күнөөлүү деп табылып, мүлкүн конфискациялоо жана мамлекеттик сыйлыктарынан дагы ажыратуу менен 11 жыл 2 айга эркинен ажыратылды. 

Мурдагы президент Атамбаев кримтөбөл Азиз Батукаевдин камактан мыйзамсыз бошотулушу боюнча айыпталып жаткан.