Анжелика: «Деги бут тосуулар токтойбу?.. Бардык фонддордон кеттим»

Кечээ президент менен жолугушууга барган ыктыярчылардын арасында карантин башталгандан бери жардамга муктаждарга кол сунуп келе жаткан Алтынай Нарбаева менен Эрнис Бөрүбаевдин жок экендиги коомчулукта кызуу талкууну жаратып, жолугушууга барган ыктыярчылардын даректерине да сындар айтылды. Мына ошол сындарга ырчы Анжелика инстаграм баракчасы аркылуу жооп берди. 
 
«Алтынай апама ажонун тизмесине кирдим, кимдер тизмеде бар экенин билбей эле айтканым бар. Макул барып кел деди. Бир мактоо кагазын алган жокпуз. Эгерде берсе мен фонддун аттын айттырат элем»-деп жазды ал. 
 
Ошондой эле бардык фонддордон кеткенин, эми эч бир фондко кошулбай өз алдынча эле жардамдарга муктаждарга колдоо көрсөтө турганын айтты.