Ажылыкка бара турган зыяратчылар коронавируска каршы эмдөөдөн өтүшү керек. Бул тууралуу муфтият билдирди.
“2019-2023-жылдар ичинде ажылыктын электрондук базасына катталып, кезек күтүп турган талапкерлер Сауд Арабия королдугунун саламаттык сактоо министрлигинин талаптарына ылайык Ковид-19га каршы эмдөөдөн өткөндүгү тууралуу сертификаты талап кылынат жана ар бир ажылыкка баруучу талапкердин делосуна тиркелүүсү зарыл.
Муну менен катар төмөнкү дарылардын бирөөсү менен эмдөөдөн өткөндүгү боюнча сертификаты талап кылынат.
1-Pfizer-BioNTech, 2-AstraZeneca, 3-Moderna, 4-Janssen, 5-Sinopharma, 6-Sinovac, 7-Sputnik V, 8-Covaxin, 9-Nuvaxovid, 10-Covovax.
Эмдөө сертификаты жок жарандар ажылыктын тизмесинен чыгып калуусун эскертебиз!”,-деп жазылат маалыматта.
