Коронавирус пандемиясы учурунда дүйнөдө тогуз адам COVID-19га каршы вакцина өндүрүүдөн тактап айтканда фармацевтикалык компаниялардын кирешесинин өсүшүнөн улам миллиардерлердин катарына кирди. Бул тууралуу «Коммерсант» жазып чыкты.
Вакцина миллиардерлери:Стефан Бансел, Moderna америкалык компаниясынын башкы директору - 4,3 миллиард доллар;
- Германиянын BioNTech компаниясынын негиздөөчүсү жана жетекчиси Угур Шахин - 4 миллиард доллар;
- Moderna иммунологу жана инвестор Тимоти Спрингер - 2,2 миллиард доллар;
- Moderna Noubar Afeyan директорлор кеңешинин төрагасы - 1,9 миллиард доллар;
- Хуан Лопес-Белмонте, ROVI компаниясынын төрагасы, Moderna үчүн вакциналардын таңгактарын чыгаруучу - 1,8 миллиард доллар;
- Moderna илимпозу жана инвестор Роберт Лангер - 1,6 миллиард доллар;
- Чжу Тао, Кытайдын CanSino Biologics фармацевтикалык компаниясынын негиздөөчүсү жана башкы окумуштуусу - 1,3 миллиард доллар;
- Циу Донгсу, CanSino Biologics компаниясынын негиздөөчүсү жана улук вице-президенти - 1,2 миллиард доллар;
- Мао Хуайхуа, CanSino Biologics компаниясынын негиздөөчүсү жана улук вице-президенти - 1 миллиард доллар.
Алардын жалпы байлыгы 19,3 миллиард долларга бааланган. Oxfam кайрымдуулук уюмунун маалыматы боюнча, бул сумма аз камсыз болгон өлкөлөрдөгү 780 миллиондой адамды эмдөөгө жетиштүү. Бирок бул мамлекеттер глобалдык вакцина менен камсыздоонун 0,2 пайызын гана алышкан.
Буга чейин Дүйнөлүк саламаттыкты сактоо уюмунун башчысы Тедрос Адан Гебресиес вакциналарга бирдей жеткиликтүүлүктү камсыз кылуудагы мүчүлүштүктөр жөнүндө айткан.
Дүйнөдөгү 832 миллион эмдөөнүн 82 пайыздан ашыгы жогорку жана орто кирешелүү өлкөлөрдө жүргүзүлгөн.
