Улуттук госпиталдын дарыгерлери Жогорку Кеңештин депутаты Жаныбек Абировдун катышуусунда мушташтан жабыр тарткан жарандын абалы тууралуу маалымат беришти.
Дарыгерлердин айтымында, жабырлануучунун баш мээси жабык жаракат алып, мээси чайкалып, мурун сөөктөрү сынып, көзү жабыркаган. Бейтаптын абалы канааттандырарлык, эси жайында, дарылануусун улантууда.
Эске салсак, 12-мартта социалдык тармактарга Бишкектеги кафелердин биринин жанында белгисиз адамдар мушташкан видео тараган. Алардын арасында Жогорку Кеңештин депутаты Жаныбек Абировдун бар экени айтылып, видеодо эл өкүлү белгисиз жаранды аоесуз сабап жатканы көрүнгөн. Айрым маалыматтарга караганда, ал кафенин коопсуздук кызматкерин сабаган.
