Адам уурдоого шектелген жаран кармалганын 6-мартта Бишкек ШИИББинин басма сөз кызматы билдирди.
Кылмыш 4-март күнү таңкы саат беш жарымдар чамасында Калыс-Ордо жаңы конушунда болгон. Жергиликтүү тургундун айтымында, белгисиз бирөөлөр аялын күч менен унаага салып, бир жакка алып кетишкен.
Аталган факты КР Кылмыш-жаза кодексинин 165-беренеси («Адам уурдоо») менен катталды.
Бишкек шаардык ички иштер башкы башкармалыгынын жана Биринчи май райондук ички иштер башкармалыгынын ыкчам кызматкерлери тарабынан кылмышка шектүү катары 2001-жылы туулган С.М. кармалып, убактылуу кармоочу жайга киргизилген.
Алдын ала маалымат боюнча, ал келиндин мурдагы жигити болгон.
Учурда тергөө иштери жүрүп жатат.
