Мас абалда унаа башкарган айдоочуларды айдоочулук күбөлүктөн ажыратуу сунушталууда

 Баӊгизат колдонуп же мас абалында унаа айдаган, ошондой эле жол кырсыгы болгон жерден качып кеткен айдоочуларды үч жылга айдоочулук укуктан ажыратуу тууралуу мыйзам долбоору сунушталууда. Бул тууралуу бүгүн, 12 -сентябрда Жогорку Кеӊештин тармактык комитетинде Жол кыймылынын коопсуздугун камсыз кылуу башкармалыгынын башчысы Азамат Исраилов билдирди.
 
Анын айтканына караганда, мас абалында же баңгизат колдонуп жол кырсыгына себеп болгон айдоочу 10 жылга айдоочулук күбөлүгүнөн, ал эми бул эрежени эки жолу бузса айдоо укугунан өмүр бою ажыратылат. 
 
Азыркы мыйзам боюнча мас абалында унаа айдаган айдоочуларга 17 миң сом айып салынат.