Кадамжайда 14 жаштагы кызды зордуктап өлтүргөн үч зөөкүр кармалды

 Кадамжай районунда үч жергиликтүү тургун 14 жаштагы кызды зордуктап, өлтүрүүгө шектелүүдө. Бул тууралуу Баткен облусунун ички иштер башкармалыгынан билдиришти.
 
Маалыматка ылайык, кечээ саат 15:25тер чамасында жашы жете элек 14 жаштагы кыздын сөөгү Ноогардан айылында табылган. Окуя тууралуу милицияга жергиликтүү тургундар кабарлашкан.
 
«Кыздын денесинде зордук-зомбулук менен өлүмдүн белгилери болгон - аны муунтуп өлтүрүшкөн, колдору байланган. Маркум 14 жашта, ал Кадамжай районунун тургуну болгон. Адам өлтүрүүгө шектелип 25 жаштагы М.Ш., 27 жаштагы Г.Д. жана 24 жаштагы А. С. кармалды. Соттук-медициналык экспертиза дайындалып, учурда тергөө иштери жүрүүдө», - деп айтылат маалыматта.