Кара-Ой айылында аял асынып алды. Милиция окуянын себебин иликтеп жатат

 
Ысык-Көл облусунун Кара-Ой айылында 42 жаштагы аял асынып алды. Бул тууралуу Облустук ички иштер башкармалыгынан билдиришти.
 
Маалыматка ылайык, аялдын өлүмү тууралуу маалыматы милицияга Тез жардам кызматкерлери билдирген. 
Аял үйдүн короосунда асынып алган. Анын асынып алганын туугандары табышкан. Окуя болгон жерге Тез жардам кызматкерлери келип, анын каза болгонун аныкташкан. Сөөккө сырттан кароо жүргүзгөндө зордук-зомбулуктун белгилери табылган эмес.
 
 Факты КЖБРине катталып, соттук-медициналык экспертиза дайындалган. Окуянын себептери иликтенип жатат.