Бишкекте алдамчылыкка шектүү аял кармалды

 Бишкекте алдамчылыкка шектүү адам кармалганын 29 -сентябрда Октябрь райондук ички иштер башкармалыгынын басма сөз кызматы билдирди.
 
Маалыматка ылайык, кылмыш май айынын аягында Сухэ-Батор көчөсүндө жасалган. Шектүү борбор калаанын тургунунан «Lexus ES250» унаасын сатып алууга келишип, акчасын бир күндөн кийин берем деп бирок бербей алдап кеткен. Жабырлануучу милицияга кайрылган.
 
Бул факты КЖБРине КР Кылмыш -жаза кодексинин 204 -беренеси ("Алдамчылык") боюнча катталган.
 
Алдамчылык фактысын иликтөө учурунда Октябрь РИИБдин №4 шаардык милиция бөлүмүнүн кызматкерлери тарабынан 1981-жылы туулган Т.А.  кылмышка шектелип кармалган.