1-сентябрда мектептер толук ачылат

Мектеп кызматкерлеринин көпчүлүгү эмдөөдөн өткөнүнө байланыштуу жаӊы окуу жылында мектептер толук ачылат. Бул тууралуу 10-августта “Азаттык” радиосуна Билим берүү жана илим министрлигинин адиси Гүлшан Абдылдаева билдирген.
 
 “Эмдөөдөн дагы эле өтүп жатышат. Бүгүнкү күнгө карата мектептердин жана бала бакчалардын кызматкерлеринин 70% ашыгы вакцина алды”, -деди ал.
 
Ошондой эле Абдылдаева окуучулардан милдетүү мектеп формасы талап кылынбай турганын кошумчалады.