Коронавирус жуктуруп алган 99 адамдын абалы өтө оор деп бааланууда

Кыргызстанда учурда коронавируска каршы 3781 адам дарыланууда. Бул тууралуу Саламаттыкты сактоо жана социалдык өнүгүү министринин орун басары Жалалидин Рахматуллаев брифингде билдирди.
 
Анын айтканына караганда, 2 миң 16 бейтап амбулатордук шартта (үйдөн), ооруканаларда - 1 миң 765 дарыланышууда. Анын ичинен 99 адам өтө оор, 496 адам оор абалда. Бейтаптардын басымдуу бөлүгүнүн абалы - 1 миң 137 адам (же 64,4 пайыз) - орто оор деп бааланып, 33 адам канааттандырарлык абалда.