Коронавирус жуктуруп алган 390 адам оор абалда

 Кыргызстанда учурда 3170 адам коронавируска каршы дарыланууда. Бул тууралуу Саламаттыкты сактоо жана социалдык өнүгүү министрлиги билдирди.
 
1 миң 753 бейтап амбулатордук шартта (үйдөн), ооруканаларда - 1 миң 417 дарыланышууда. Анын ичинде 58 адам өтө оор абалда, 332 адам оор абалда. Бейтаптардын басымдуу бөлүгүнүн абалы - 1 миң 11 адам (же 71,4 пайыз) - орто оор деп бааланып, 16 адам канааттандырарлык абалда.